domingo, 12 de mayo de 2024
Actualmente, o portal recolle a totalidade do persoal docente e investigador activo da UDC e aliméntase coas publicacións existentes en Dialnet, Scopus e Web of Science (WoS). A actualización da información realizarase de forma automática periodicamente, permitindo acceder aos datos máis recentes de forma sinxela.
As buscas poden filtrarse por centro, grupo ou investigador ou investigadora individual, o que facilita ao usuario explorar na estrutura universitaria, localizar persoas expertas en diversas disciplinas, acceder ás súas publicacións e consultar indicadores bibliométricos a nivel individual, colectivo e institucional.
O "Portal da Investigación da UDC" é de libre acceso para o público en xeral, pero para visualizar algúns dos indicadores e dispoñer doutras opcións, como o acceso aos textos completos dos documentos, cómpre ser membro da comunidade universitaria. O único requisito, neste caso, será identificarse co usuario e contrasinal se se quere ter opción tamén a estes recursos.
Ademais, aos investigadores e investigadoras permitiralles descargar o seus currÃculos e informes co impacto normalizado das súas publicacións, asà como xestionar os seus perfÃs de investigadores/as.
A orixe do portal
O proxecto deste novo portal da investigación nace da colaboración entre o Servizo de Biblioteca, o Servizo de Informática e Comunicación e o Servizo de Investigación da UDC e conta cunha axuda MarÃa de Guzmán da Fundación Española para a Ciencia e a TecnoloxÃa (FECYT).
Malia a posta en marcha desta ferramenta, de momento continuará tamén en funcionamento a do Sistema Unificado de Xestión da Investigación (SUXI), que se viña utilizando pola UDC como única alternativa para a xestión dos méritos de investigación, e á que finalmente acabará por substituÃr nun futuro próximo.
Máis información: https://portalinvestigacion.udc.gal
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
