domingo, 12 de mayo de 2024
O evento terá lugar durante toda a mañá, en horario de 9:00 a 14:00 horas, no salón de actos do Centro Interdisciplinar de Química e Bioloxía (CICA), no Campus de Elviña. As xornadas van dirixidas a investigadores do ámbito biomédico, profesionais e estudantes de ciencias da saúde e titulacións afíns.
A inauguración do evento será ás 9:00 horas e contará coa asistencia de Salvador Naya, vicerreitor de Política Científica, Investigación e Transferencia da UDC; Mar Castellanos, directora científica do Instituto de Investigación Biomédica da Coruña (INIBIC); Jaime Rodríguez, director científico do CICA, e a docente Silvia María Díaz.
A continuación terá lugar o ciclo de conferencias, que contará coa participación de expertos como Jesús Pino, do servizo de Cirurxía Ortopédica e Traumatoloxía do CHUS; Gema Lorenzo, do Centro de Investigación en Sanidade Animal CISA-INIA-CSIC de Valdeolmos, Madrid; Antonio Macías, do departamento de Enxeñaría Mecánica, Enerxética e dos Materiais da Universidade de Extremadura; Jacqueline León, da School of Life Sciences da University of Westminster, Reino Unido; e Mercedes Fernández, do INIBIC. A clausura das xornadas terá lugar ás 14:00 horas por parte de Silvia María Díaz.
Tivo lugar unha xornada de debate organizada pola Fundación Galicia Europa (FGE) no marco da celebración do Día de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanía galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artístico.
