sábado, 11 de mayo de 2024
Despois de esgotar as dúas primeiras cotas de abonos a prezo promocional, o festival desvela os primeiros nomes dun cartel musical que o diferencia doutros eventos estivais por ofrecer unha programación completa con artistas de gran calidade que actuarán en diferentes localizacións da Ribeira Sacra.
Morgan, A Costa Brava, Lontreira e Pastor Eléctrico son as primeiras confirmacións dun cartel musical que se irá ampliando proximamente e complementarase con outras actividades paralelas vinculadas co patrimonio cultural.
O grupo madrileño Morgan, chegará a Ribeira Sacra para presentar os temas do seu último álbum, The River and the Stone, mentres que a banda indie española La Costa Brava regresa aos escenarios nunha pequena xira tras case quince anos desde a súa desaparición e farán unha única parada en Galicia para deleitar aos seus fans cun repaso á súa traxectoria.
Dous débuts galegos visitarán 17 Graos Ribeira Sacra para presentar os seus traballos: a banda Pastor Eléctrico e o grupo galego Lontreira, que tocará cancións do seu primeiro disco Apnea, un proxecto musical e poético no que recolle temas con evocacións musicais moi diversas.
Desde hoxe, o festival abre unha última cota de abonos a 65 euros (+g.x), que darán acceso aos concertos da fin de semana, ademais do abono bus 17°, o transporte interno para moverse comodamente polos escenarios do festival. Este abono complementarase máis adiante co resto de entradas para actividades: concertos a bordo do catamarán, catas, roteiros e a oferta gastronómica para gozar dunha fin de semana completa.
Proximamente daranse a coñecer máis artistas confirmados e as novidades do programa dun festival que reunirá de novo concertos nalgúns dos escenarios máis singulares da Ribeira Sacra, como o catamarán de Ponte do Sil onde ten lugar o Concerto Sorpresa Cervezas Alhambra ou o Miradoiro de Santiorxo e o seu escenario Momentos Alhambra.
17º Ribeira Sacra volve contar co apoio de Cervezas Alhambra como principal patrocinador na súa aposta pola música e polo descubrimento de experiencias auténticas feitas para gozar sen présa e cos cinco sentidos.
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
