lunes, 13 de mayo de 2024
Durante a gala celebrada en Carballo, que foi conducida pola actriz Cristina Collazo e contou coa actuación musical de LaMontagne e PicoAmperio, entregáronse os oito galardóns que conformaron os Premios Youtubeiras nesta sexta convocatoria. En total, repartÃronse 7.500 euros en premios e cada persoa gañadora recibiu un diploma acreditativo xunto a unha medalla simbólica deseñada para a ocasión por Nahuel Pérez.
O Premio á Canle recaeu en ToxÃo. O xurado, na súa acta, destacou a súa “alta calidade comunicativa, técnica e estética, asà como a continuidade e periodicidade dos contidos cun dominio emocional e ético”. Pode accederse á canle nesta ligazón. Doutra banda O Premio á Youtubeira/o recoñeceu a Neeumatiko polo seu carácter de “referente do youtube en galego” e a súa alta “capacidade comunicativa e lingüÃstica”. Ademais, Histérikas Histórikas recibiu o Premio Youtubeira/o revelación “por unha forma fresca de presentar contidos, cunha alta repercusión, cun formato innovador no Youtube galego”, subliñou o xurado.
O Premio VÃdeo levouno Piratas sen parche por ‘EduarditaÂ’. O xurado puxo en valor a calidade técnica, a creatividade e “a súa orixinalidade á hora de transmitir a mensaxe”. Pola súa parte, o Premio Calidade LingüÃstica galardoou a canle Falemos do Reino de Galicia pola súa “capacidade para manter os trazos dialectais nun rexistro culto e normativo”. O ditame tamén salientou a forma de usar a lingua “natural e sen complexos”.
Pingando-Laura Veiga obtivo o Premio Pioneiro polo seu xeito de “introducir unha nova temática na Rede galega dunha forma innovadora e atractiva”, demostrando unha vez máis que “a lingua non ten cancelas”. O Premio Rede recaeu en A Lobeira Today “pola súa constancia para fortalecer a comunidade virtual galega, por crear e manter vÃnculos e asociacións”, explicou o xurado no seu ditame. Finalmente, o Premio do Público quedou en mans do vÃdeo ‘Bembibre coas TanxugueirasÂ’, de Xabi Gómez, por ser o traballo máis votado polo público.
Asistencia
A gala de entrega celebrouse no Pazo da Cultura de Carballo coa asistencia de representantes institucionais das entidades organizadoras. Por parte da USC, participou no acto o vicerreitor de Transformación Dixital e Innovación, Gumersindo Feijoo. O xurado desta edición, que tivo que escoller entre as 75 canles presentadas e que seleccionou un total de 22 propostas finalistas, estivo conformado por Mario Brión, gañador do Premio Youtubeira/o en 2021; Mónica Fernández Valencia, técnica de normalización lingüÃstica do Concello de Ourense e coordinadora de Youtubeiras nas primeiras catro edicións; Carmen Nieto, dinamizadora e formadora no eido das novas tecnoloxÃas, promotora da canle Teño unha horta en San Sadurniño; Elvira Nercellas, estudante e integrante do Grupo por unha Medicina en Galego, e Alba RodrÃguez, administrativa que deu a coñecer o seu cambio de lingua a través de Twitter no ano 2018. Todos os premios contan cunha dotación económica de 1.000 euros, agás o Premio do Público que dispón de 500 euros.
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
