domingo, 28 de abril de 2024
Un grupo de xente moza desfruta esta semana de actividades de lecer educativo no campamento xuvenil A Devesa grazas ao programa Primavera Xove da Xunta de Galicia. A directora xeral de Xuventude, Participación e Voluntariado, Cristina Pichel, estivo durante esta mañá cos participantes nesta iniciativa que, ademais de supoñer unha alternativa de ocio para a mocidade, favorece a conciliación das familias.
En quendas de cinco días as mozas e mozas que se dan cita nesta proposta, que leva por nome Nature Devesa levan acabo obradoiros de rastrexo e fototrampeo e de supervivencia no medio natural; fan roteiros en caiac polo río Eo con interpretación da súa riqueza natural; sesión de observación de estrela na praia das Catedrais ou espeleoloxía na cova do Rei Cintolo, entre outras actividades.
Na edición deste ano de Primavera Xove, a Xunta oferta case 600 prazas para persoas entre os 14 e 30 anos durante os meses de marzo e abril en seis instalacións xuvenís da comunidade. Trátase de que a mocidade conte con alternativas de ocio educativo e saudable e que os pais teñan máis oportunidades para conciliar durante as fins de semana ou en períodos non lectivos como a Semana Santa.
Ademais de na Devesa, outros espazos nos que se desenvolve esta iniciativa son os albergues xuvenís Mariña Española (Sada e Bergondo); Lug II (Lugo) e Area (Viveiro); así como os campamentos xuvenís de Pontemaril (Forcarei) e As Sinas (Vilanova de Arousa).
Cultura urbana
Por outra parte, a Dirección Xeral de Xuventude Participación e Voluntariado colabora coas xornadas lúdicas de cultura urbana Ribadeo na rúa que desenvolve o concello os días 25, 26 e 27 deste mes de marzo. A programación inclúe talleres de skate; exhibicións de Roller e BMX Flat Land; un espectáculo de Operas Breaks, que combina a ópera, co break dance e a música DJ; obradoiros de graffiti, de estampado en camisetas ou tatuaxe un show de beatbox e a presentación do libro Somos Hip-Hop.
Así mesmo, mañá mércores haberá unha carpa da Dirección Xeral de Xuventude, Participación e Voluntariado para informar dos servizos e programas que se levan a cabo desde esta área.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
