lunes, 20 de mayo de 2024
Así, a conselleira destacou que nesta normativa contémplanse medidas para crear máis servizos no rural, para fomentar o retorno dos galegos na diáspora, para garantir o dereito das persoas maiores a decidir onde vivir esta etapa das súas vidas, para darlle á mocidade máis oportunidades e tamén para mellorar a conciliación das familias.
Axudas ás familias
Neste sentido, puxo en valor o impulso de medidas como a Tarxeta Benvida, que ofrece un apoio económico para asumir os gastos básicos polo nacemento dun bebé e que leva beneficiado a 92.500 galegos desde o ano 2016; do Bono Coidado, que permite a contratación dun servizo extraordinario de conciliación como pode ser un campamento de verán e que no pasado ano chegou a 4.900 fogares; ou da gratuidade de todas as escolas infantís para todos os fillos.
Con respecto a esta última actuación, a conselleira sinalou que Galicia é a única comunidade que conta cunha medida destas características, que beneficia a todos os nenos, vaian ao centro que vaian, durante oito horas ao día e once meses ao ano. Máis de 31.000 familias non pagan nada por levar os seus nenos a un destes centros para o que a Xunta destina un orzamento de 55 millóns de euros ao ano.
Financiamento autonómico
Fabiola García afirmou que o reto demográfico é unha situación complexa plural nas súas causas e consecuencias, que afecta a todas as sociedades occidentais e que debe abordarse desde o consenso, a unanimidade e a colaboración institucional. Por este mesmo motivo, lembrou, oito presidentes autonómicos de distinta cor política reclamaron no ano 2021 en Santiago a implicación do Goberno central para un financiamento autonómico xusto, que atenda á dispersión e a realidade de cada territorio, e que teña en conta a aquelas zonas de especial perigo fronte ao reto demográfico.
Os apoios, que poden chegar aos 3 millóns de euros por proxecto, son de ata o 45% do investimento subvencionable no caso dos proxectos de grandes empresas, mentres que no caso das pemes serán do 45% ou do 55% en función da porcentaxe de redución de emisións xustificada. Con estas axudas que xestiona o Instituto Enerxético de Galicia (Inega) búscase incentivar a transformación ecolóxica da actividade industrial de cara a unha economía baixa en carbono e a súa competitividade nun mercado global, diminuíndo o consumo de enerxía e promovendo a introdución da mellor tecnoloxía dispoñible. Ao mesmo tempo, estas axudas que se enmarcan na Estratexia Galega de Cambio Climático e Enerxía 2050 e na Axenda Enerxética de Galicia 2030 contribúen a reactivar e dinamizar a economía da provincia tras o peche das centrais térmicas.
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
