lunes, 20 de mayo de 2024
O obxectivo da Semana Internacional, que a UDC acolle na súa integridade por primeira vez, é potenciar as actividades de internacionalización en casa para toda a comunidade universitaria e presentar á UDC non só como un centro de aprendizaxe, docencia, innovación, investigación e transferencia, senón tamén como unha institución administrativa situada na periferia de Europa.
O propósito desta Semana é profundar en temas globais, experimentar a diversidade intercultural e probar diferentes formas de ensino e xestión das institucións de educación superior de todo o mundo. No transcurso da Semana Internacional da UDC, expertos de diversos campos e autoridades internacionais ofrecerán distintas perspectivas sobre as súas áreas de especialización. Todos os participantes terán a oportunidade de debater sobre futuras colaboracións e proxectos conxuntos cos colegas anfitrións. Os principais temas de debate irán desde a cooperación transnacional, as dobres titulacións, a formación para a internacionalización no paÃs e no estranxeiro ata as competencias interculturais, pasando polas polÃticas da UE para as institucións de educación superior.
Asistirán persoal universitario de Albania, Arxelia, Bosnia e Herzegovina, Brasil, Bulgaria, Croacia, República Checa, Exipto, Georgia, Alemaña, Lituania, Montenegro, Macedonia do Norte, Panamá, Polonia, Portugal, Moldavia, Rumania, Eslovaquia e TurquÃa.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o paÃs) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
